Буџаку: Во Дебар владее домаќинска култура, сега треба мобилизација не критика
-Информациите медиумите ги имаат секојдневно. Информираноста е на ниво – граѓаните се во тек. Во оваа ситуација е потребна тотална мобилизација и координација на сите, а не барање на ситни грешки, како што тоа го прави опозицијата. Повторувам сите релевантни служби имаат навремена координација и медиумите добиваат од час во час релевантни информации, изјави во „Утрински брифинг“ на „Слободна ТВ“ Агрон Буџаку, директор на ЦУК.
Тој вели дека постојано е во контакт со граѓаните од Дебар, кои покажаа високо ниво на самосвест.
-Дебар е место кое е прилично лесно за контролирање, со бројка на луѓе кои релативно лесно можат да се снабдат со продукти. Владее домаќинска култура. Нон – стоп сум во комуникација со дебарчани. Подобро е да ги прашаш „своите“ и да се слушаат сограѓаните. Јас сум дебарчанец и горд сум на ова што се случува таму и нивото на самосвест. Продавниците се полни, цените не се накачани. Ова е пример кој што треба да се истакне во случај да се прошири кризна состојба и во други општини, вели Буџаку.
Буџаку истакна дека институциите се спремни да се соочат со коорнавирусот поради превземање на навремени мерки.
-Теоретски и практично ние сме спремни. Кога се прогласи кризна состојба за Дебар и Центар Жупа ние ги имавме веќе стандардно-оперативните процедури подготвени. Тоа е многу важно. Сега треба мобилизација, не критика. Како млада земја први воведовме мерки. Македонија е мала како држава, а кога успеавме со вакви мерки како што воведовме да ја контролираме ситуација, сметам дека сите институции се најспремни да се справат со коронавирусот, изјави Буџаку.