Холивудскиот актер Брус Вилис (71) е снимен во средата за време на ретко појавување во јавноста низ улиците на Лос Анџелес. Иако неговата борба со фронтотемпоралната деменција продолжува, ѕвездата од „Умри машки“ изгледаше во добро расположение додека се возеше на сопатничкото седиште со свој пријател, пренесува „Дејли Мејл“.

Актерот, кој минатиот месец го прослави својот 71. роденден, беше забележан со блага насмевка на лицето, што е редок и драгоцен момент за неговото семејство и многубројните фанови ширум светот, а фотографиите можете да ги погледнете ТУКА.

Специјален третман и нов начин на живот

Неговата сопруга Ема Хеминг (47) неодамна откри дека семејството морало да донесе тешка одлука за неговото живеење. Брус сега престојува во посебна куќа во близина на нивниот заеднички дом, каде што 24 часа дневно е опкружен со професионален тим негуватели.

„Тоа беше една од најтешките одлуки што сум ги донела, но беше неопходна за неговата безбедност и за доброто на нашите ќерки“, изјави Ема. Таа додаде дека на овој начин Брус го добива најдобриот третман, а неговите помлади ќерки, Мејбел (14) и Евелин (11), можат да имаат нормално детство додека секојдневно го посетуваат својот татко.

Семејството обединето во поддршката

Ема Хеминг го искористи роденденот на Брус за да го промовира својот нов хуманитарен фонд „The Emma & Bruce Willis Fund“, посветен на подигнување на свеста за деменцијата и поддршка на негувателите кои се соочуваат со оваа тешка реалност.

Брус Вилис, кој во 2022 година беше принуден да се повлече од актерството по дијагнозата, има и три возрасни ќерки со неговата поранешна сопруга Деми Мур. Целото семејство останува цврсто обединето, пружајќи му ја сета љубов на актерот кој, според зборовите на неговата сопруга, не е ниту свесен за својата тешка дијагноза, но се чувствувал пријатно во новата, мирна средина.