Британскиот милијардер Сер Џим Ретклиф официјално се понуди за купување на Манчестер јунајтед
Британскиот милијардер Сер Џим Ретклиф и неговата петрохемиска компанија „ИНЕОС“ официјално се понудија за купување на Манчестер јунајтед, пренесува „Би-Би-Си“.
ИНЕОС воедно има намера да го направи клубот од „Олд Трафорд“ светилник за модерен, прогресивен пристап кон сопственоста насочен кон навивачите, да го врати Манчестер во Манчестер јунајтед и јасно фокусирајќи се на освојување на Лигата на шампионите.
– Можеме да потврдиме дека Сер Џим Ретклиф и ИНЕОС поднесоа понуда за мнозинска сопственост на фудбалскиот клуб Манчестер Јунајтед. Ние би ја виделе нашата улога како долгорочни чувари на Манчестер jунајтед во име на навивачите и пошироката заедница. Ние сме амбициозни и високо конкурентни и би сакале да инвестираме во Манчестер јунајтед за повторно да го направиме клуб број еден во светот – се вели во соопштението објавено од ИНЕОС.
Семејството Глејзер размислува за продажба на клубот и беше поставен рок до петок за предлози.
Шеикот Јасим бин Хамад Ал Тани, претседател на една од најголемите банки во Катар, исто така поднесе понуда.
Official: INEOS confirm bid submitted for Man Utd 🚨🔴 #MUFC
“Sir Jim Ratcliffe-INEOS made a bid for majority ownership of Manchester United.
“We see role as long-term custodians of Man Utd — invest to make it the number one club in the world again & win the Chanpions League”. pic.twitter.com/0pa0l6y5xE
— Fabrizio Romano (@FabrizioRomano) February 18, 2023