Брдаровски: Незаслужен пораз, арапските судии не оштетија во последните моменти
Денес фудбалската репрезентација на Македонија составена од прволигашки играчи со исклучок на интернационалците Дарко Велковски и Кристијан Тошевски забележа пораз во Абу Даби од 1:0, меѓутоа треба да се спомене и „домаќинското“ судење на арбитрите од ОАЕ.
Во самата завршница видовме и една срамна одлука на судиите кои во иста акција не досудија два чисти пенали. Прво Стојановски беше непрописно блокиран и влечен од домашен фудбалер, а потоа еден од домашните фудбалери очигледно играше со рака на гол линијата (одбрана). Владица Брдаровски смета дека Македонија одиграла еден добар натпревар и незаслужено била поразена.
„Штета што претрпевме незаслужен пораз. Арапските судии не отштетија во последните моментни со недосуден пенал. Примивме евтин гол и не заслуживме пораз. Покажавме дека играме добар фудбал и тоа против селекција што ќе игра на Светското првенство во Катар и можеме да очекуваме убава иднина за македонскиот фудбал“, рече Брдароски.