Двократниот европски шампион веќе го крои составот за следната сезона, а од Србија пристигнуваат информации дека е постигнат договор со бразилскиот репрезентативец Жоао да Силва. Договорот би важел од наредното лето, но не е исклучена можноста играчот да пристигне и порано.

Да Силва игра на позицијата среден бек, а веќе втора сезона настапува за Војводина. Српските медиуми пишуваат дека управата бара начин да го ослободи уште во јануари, бидејќи Бразилецот подолго време е надвор од теренот поради повреда. Ран раскин на договорот би можел да отвори простор тој да се пресели во Скопје шест месеци пред планираното.

Бразилскиот плејмејкер досега настапувал за Адемар Леон, Шамбери, Бенфика, Стеауа и Динамо Букурешт. За бразилската репрезентација одиграл 53 натпревари и постигнал 114 голови.

Преземено од: Sport.com.mk