Македонската фудбалска А репрезентација се подготвува за последните два натпревари од групната фаза во Лигата на нации на домашен терен против Летонија и Фарски Острови.

Дуелот со Летонците е закажан за 14 ноември, а три дена подоцна мечот против Фарски Острови. Двата натпревари ќе се одиграат на Националната арена „Тодор Проески“ во Скопје.

Нашата селекција после четири кола во својата група од Ц сегментот е моментно на првото место со 10 освоени бодови.

Селекторот Благоја Милевски, кој претходно го објави списокот со повикани фудбалери, се одлучи за дополнителен повик во репрезентацијата.

Десниот бек Бојан Илиевски од Струга Трим Љум се приклучува на подготовките за претстојните средби.