Богатството на д-р Дре се проценува на 800 милиони долари: Неговата ќерка е бездомник и живее во автомобил
Богатството на славниот рапер д-р Дре се проценува на 800 милиони долари, но неговата најстара ќерка ЛаТања Јанг тврди дека тој одбива да ѝ помогне финансиски, и покрај фактот дека е бездомник и принудена да живее во автомобил, пишува „Daily Mail“.
Препорачано
ЛаТања работи како доставувач на храна и е вработена во складиште, но тврди дека не може да си дозволи да плаќа кирија, па спие во изнајмено возило.
Вели дека неколку пати барала од нејзиниот татко да ѝ помогне финансиски, но дека не добила ниту денар од него во последните 18 месеци. Д-р Дре ја доби ЛаТања со Лиза Џонсон, со која се разделил кога ЛаТања имала само пет години.
View this post on Instagram
Не се виделе 18 години
Јанг вели дека не го видела својот славен татко веќе 18 години и дека го нема ниту неговиот број, туку комуницира со него преку неговиот тим.
ЛаТања е самохрана мајка на четири деца, 16-годишната Татијана, 13-годишната Ријана, 8-годишната Д’Андреа и 3-годишниот Џејсон, на кои им нашла сместување.
„Моите деца живеат кај пријатели, не живеат во автомобил, само јас“, истакна таа.
Ќерката на д-р Дре вели дека работи две работи, но сепак не може да си дозволи постојано сместување.
„Работам во магацин и доставувам храна. Се обидувам да ја држам главата над површината. Веќе долго време сум во долгови“, вели ЛаТања.
Во моментов, како што вели, живее во страв дека ќе остане и без автомобилот.
„Ме плаќаат 15 долари на час. Изнајмувањето автомобил е скапо. Чини 2.300 долари за три недели, а јас платив само за една недела. Порано или подоцна ќе ми го земат и автомобилот“, вели таа.
Јанг вели дека пред месец дена се преселила со своите деца од Невада во Калифорнија со надеж дека ќе заработи подобро.
„Имам семејство и пријатели кои повремено не припаат под својот покрив, но најчесто живеам во автомобил“, вели таа.
ЛаТања вели дека се обратила до д-р Дре за помош преку неговиот адвокат, но тој, наводно, ѝ рекол дека нејзиниот татко повеќе не сака да ѝ дава пари бидејќи таа претходно зборувала за него во медиумите.
„Јас сум бездомник и го молам татко ми за помош, но неговиот адвокат ми рече дека не сака да ми помогне затоа што зборувам за него во медиумите. Како да сум осудена ако зборувам, а осудена сум и ако не зборувам. Се обидувам да комуницирам со него за да видам дали сака да разговара со своите внуци. Моите деца се доволно возрасни за да знаат кој е и се шокирани што не сака да има ништо со нас“, рече таа.
На својата поранешна сопруга д-р Дре ѝ дава 300.000 долари месечно
Јанг призна дека д-р Дре ѝ помагал претходно и дека ѝ плаќал кирија и ѝ давал џепарлак, но во јануари 2020 година тоа престанало.
„Луѓето ме гледаат како ќерка на милионер и не разбираат зошто работам. Затоа сакам да се скријам под камен. Тој ми ја плаќаше киријата и ми даваше џепарлак, но сега веќе не сака. На улица сум. Слушам дека им купува куќи на своите љубовници. Тоа е ужасна ситуација“, рече таа.
Вели дека била повредена и кога слушнала дека тој се согласил да ѝ плаќа алиментација на неговата поранешна сопруга Никол Јанг, од која се разведе по 24 години брак, 300.000 долари месечно.
„Непријатно ми беше кога го слушнав тоа, луѓето ме гледаат и се прашуваа зошто. Она што го доби Никол требаше да го добие и мојата мајка. Го молев да обезбеди дом за мене, сестра ми и моите деца. Требаше да не издржува додека учевме и да ни плаќа здравствено осигурување, но тој никогаш не го направи тоа. Ѝ честитам на Никол. Таа го направи она што мораше да го направи“, заклучува ЛаТања.
