Бобан за најавеното влегување на саудиски клубови во ЛШ: Тоа се луди исмислици
Поранешниот фудбалер на Динамо Загреб и Милан, Звонимир Бобан кој денес е еден од првите оперативци на УЕФА ги демантираше најавите дека следната сезона саудиски клуб ќе добие место во Лигата на шампионите.
„Кориере дело Спорт“ вчера објави дека УЕФА веќе донела одлука судискиот шампион од новата сезона да има место во најелитното европско натпреварување. Сепак, тоа нема да се случи.
„Тоа се луди измислици кои ги објави наводно сериозен весник од Италија. Сериозни новинари и медиуми прашуваат пред да објават нешто, не пишуваат глупости. Во Лигата на шампионите како и во секое друго натпреварување на УЕФА ќе играат само европски клубови, тоа го повтори и претседателот Чеферин неколку пати“, истакна Бобан.
Саудиските клубови летово вложија астрономски суми и веќе во своето првенство имаат големи фудбалски имиња како: Нејмар, Роналдо, Садио Мане, Милинковиќ-Савиќ, Кулибали и уште многу други, а сигурно и дека нема да застанат тука.