Бобан Марјановиќ може да освои признание какво што нема ниту еден Европјанин во НБА
Поради одигрувањето на финалниот натпревар од НЦЦА лигата во која триумфираа кошаркарите на Универзитетот Конектат изминатата ноќ во НБА лигата немаше натпревари, но не значи и дека нема интересни информации од најсилната кошаркарска лига во светот.
Имено, од САД пристигнува вест дека Бобан Марјановиќ е во најтесниот круг кандидати за добивање на наградата „најголем спортист“ која се доделува на кошаркари кои биле пример со своето етичко однесување и фер-плеј на теренот.
Според правилата, секоја НБА дивизија има по еден кандидат, а центарот на Хјустон е претставник на Југозападната дивизија.
Покрај него во конкуренција за наградата се: Мајкл Конли (Минесота), Бем Адебајо (Мајами), Харисон Барнс (Сакраменто, Дариус Герланд и Џејлен Брансон (Њујорк Никси).
Низ годините оваа награда ја освојуваа легенди како: Дејвид Робинсон, Реј Ален, Стеф Кари, Винс Картер, Џејсон Кид (двапати), а рекордер е Грент Хил кој беше освојувач дури трипати. Минатата сезона наградата заврши во рацете на Пет Милс.
Марјановиќ ако дојде до наградата би станал првиот Европјанин со ова признание. Треба да се спомене дека Луол Денг кога ја освои наградата во 2007 година се уште не беше натурализиран репрезентативец на Велика Британија.