Блокадите од Косово се помала главоболка од рецесијата во Германија

Нашата земја треба повеќе да се грижи за најавите за рецесија во Германија отколку за трговските блокади што ги воведе Косово ако се земе предвид каков ефект врз македонскиот извоз и домашната економија би имале случувањата во двете држави.

Во првата половина од годинава Германија е прва на листата земји со кои имаме најголема размена и суфицит во трговијата, додека Косово е на 12. место.

Во овој период, обемот на трговската размена со Германија изнесувал околу 2 милијарди евра, од кои 1,5 милијарди се извоз на македонски производи. Од друга страна, вкупната трговската размена со Косово во првите шест месец од годинава достигнала 152 милиони евра, од кои 139 милиони евра се извоз од нашата земја, објави „Мета“.

Прочитајте и...  Искршена таблата на Државниот архив во Струмица

Несомнено е дека евентуално продлабочување на рецесивните текови во Германија може негативно да влијае врз македонскиот извоз односно да придонесе кон намалување на економските активности на извозно-ориентираните компании во земјава кои се мотор на економијата и од кои битно зависи стапката на нови вработувања.

Според најновите анализи на германската централна банка „Бундесбанк“, тамошната економија не покажува знаци на закрепнување во летните месеци, што е загрижувачки бидејќи во периодот од април до јуни германскиот БДП падна во минус од 0,1 отсто во однос на претходното тимесечје. Според економската теорија, рецесија се прогласува кога активностите паѓаат во минус две тримесечја по ред.

Помала, но исто така сериозна закана по македонскиот извоз е блокадата на Косово за увоз на мед и компири од нашата земја која дојде откако македонската Влада забрани увоз на рибен подмладок и икра од косовските компании бидејќи ги немале соодветните ЕУ сертификати. Евентуалното разгорување на трговската војна може да го намали извозот, но се чини дека тоа не им оди во прилог на двете држави.

Прочитајте и...  Бошков: Фирмите не се контејнер за лошите административци

Единствен лек за ваквите неповолни текови во европската економија и во односите со соседите е да се реализираат најавите на Владата за нов инвестициски бран.

-Проектирани се една милијарда во патишта, над една милијарда во железница, над една милијарда во енергетика – со ХЦ Чебрен, со далекуводот кон Албанија и со гасоводот. Инвестираме и во нов Клинички центар, во земјоделството и руралниот развој, во пречистителни станици за отпадна вода, регионални фабрики за прибирање и обработка на отпад, канализациски и водоводни системи, училишта и градинки и други проекти за реалните потреби на сите граѓани-соопшти неодамна премиерот Зоран Заев објаснувајќи како ќе се релизира инвестицискиот пакет од пет милијарди евра.

Економските аналитичари во повеќе наврати истакнуваат дека само со брза и ефикасна реализација на инвестициите во патната инфраструктура, железницата, енергетиката и други капитални проекти може да се постигнат високи стапки на економски пораст кои би ја заштитиле домашната економија од надворешни влијанија и би придонеле кон подобрување на стандардот на граѓаните.

Прочитајте и...  Српското Собрание го изгласа Договорот меѓу Србија и Северна Македонија за „Мини шенгенот“

Прочитај повеќе

О’Брајан: Нема никакви докази дека Русија помага за реизборот на Трамп

МИА Агенција

Средба Спасовски – Палмер: Очекуваме скорешна одлука на ЕУ за почеток на преговорите

МИА Агенција

Грчката Влада одржа вонреден состанок за коронавирусот

Слободен печат

Истражување: Две третини од предметите на интернет се небезбедни за потрошувачите

МИА Агенција

Крамп-Каренбауер: ЦДУ на конгрес на 25 април ќе избира нов лидер

МИА Агенција

Европската банка за обнова и равзој е значаен партнер на Македонија за успешно исполнување на критериумите за ЕУ

МИА Агенција

Остави Коментар

осум + 15 =

Прочитај повеќе

Баргес: Австралија е под невидена закана од странска шпионажа

МИА Агенција

Грлиќ-Радман: Хрватска сака преговори за Северна Македонија и Албанија во март

Слободен печат

Регистриран шестиот смртен случај од коронавирус во Италија

Слободен печат

Иранските власти демантираат дека го кријат вистинскиот број на смртни случаи од коронавирус

Слободен печат

ЕК ги осудија антисемитските маски на карневалот во Белгија

Слободен печат

Брнабиќ: Приоритет е иницијативата мини Шенген и инфраструктурното поврзување на регионот

МИА