Билетите за Златен глобус се продаваат за 70.000 долари: Потегот оценет како бесрамен
Во пресрет на церемонијата, која ќе се одржи на 11 јануари во Лос Анџелес, до јавноста стигна информација дека списанието „Роб Репорт“ продава ВИП билети за Златните глобуси по цена од 70.000 долари, пишува „Пејџ сикс“.
Препорачано
Имено, овој неочекуван потег, кој вклучува луксузни погодности и ексклузивен пристап до настан кој вообичаено се смета за затворен за јавноста, предизвика бура од реакции во индустријата. Многу извори тврдат дека станува збор за „бесрамна“ комерцијализација на еден од најпознатите холивудски настани.
„Роб Рипорт“ продава само три пара од овие билети преку својата услуга „The Vault“. Интересно е што тие се нудат во истата понуда како екстремно скапи луксузни подароци, како што се брод вреден 4,5 милиони долари, часовник вреден 110.000 долари или винска тура вредна 200.000 долари.
Сепак, „The Vault“ им дозволува на заинтересираните страни да пополнат формулар, по што нивниот сервисен асистент ги поврзува со „соодветниот дилер“, што практично значи дека билетите сè уште се продаваат индиректно.
Според луксузниот водич на „Роб Рипорт“, пакетот од 70.000 долари вклучува:
– Покана за ексклузивна забава „Златна вечер“
– Место на официјалната маса на церемонијата на доделувањето на наградите на 11 јануари
– Влез на забавата по церемонијата
– Престижна торба со подароци за Златен глобус
– Сместување во хотелот „Пенисула Беверли Хилс“
– Професионален стајлинг, вклучувајќи машки костуми по мерка
До вчера, сè уште не беше продаден ниту еден пар билети.
Оваа ситуација повторно го отвора прашањето како се променија Златните глобуси откако „Пенске Медиа“ ја презеде контролата врз нив и ги претвори во профитна организација. Ова не е првпат компанијата да привлече критики, претходно имаше тврдења дека продаваат ексклузивни вечери поврзани со Глобусите, како и обвинувања дека новата категорија за најдобар поткаст е воведена повеќе за деловни интереси отколку за вистинско признавање на подкастот како форма.
Портпаролот на Златните глобуси ги отфрли овие критики и тврдења дека индустријата ги поддржува весниците и дека интересот за новата категорија поткасти е многу голем.
