Големите финансиски проблеми, неисплатените плати почнаа да го земаат данокот во Вардар и ракометарите почнаа да го напуштаат европскиот шампион.

Само неколку дена откако јавно неколку ракометари изјавија дека Вардар им ги нема исплатено платите за оваа сезона, прв кој повлече нога и си замина е Летонецот Даинис Криштопанс. Тој денеска и официјално беше промовиран во нов ракометар на германскиот Фуксе Берлин.

German @FuechseBerlin signed Dainis Kristopans from @RKVardar for the next months …
➡️ https://t.co/zkvSXemeDw

— handball-world EN (@hbworldcom) February 12, 2020

Заминувањето на Криштопанс кој последните неколку дена не тренираше со екипата како револт поради неисплатените плати, е најдобар играч на Вардар со 42 постигнати голови сезонава.
Летонскиот џин во Фуксе ќе остане до крајот на сезоната по што се сели во редовите на францускиот ПСЖ.

Неговиот чекор го следи и рускиот репрезентативец Павел Атман кој ги договори сите услови со Спартак Москва и прашање на време е кога ќе биде промовиран во нов ракометар на дебитантот во СЕХА лигата.

Голманот Калифа Гедбан се договори од следната сезона да го брани голот на шпанскиот Адемар Леон.  Претходно иднината си ја обезбеди и Данил Шишкарев кој се договори со унгарскиот Веспрем на кого ќе му се приклучи по завршување на сезоната.

Вардар во сабота го очекува пресметка со Мотор Запорожје во рамките на 12. коло во Лигата на шампионите, но прашање е со каков тим ќе настапи во еден од клучните натпревари за освојување на една од првите шест позиции на табелата кои носат пласман во наредната фаза. .