Беса 1976 ита кон Првата лига, Пелистер сигурен против Беласица
Фудбалерите на Беса 1976 оствари нов триумф сезонава во Втората македонска лига откако со 3:0 славеше дома против Осогово. Стрелци на головите за победникот беа Алексовски, Скендери и Емини.
Со истиот резултат Пелистер ја оправда фаворитската улога против Беласица.
За битолскиот тим голови запишаа Христов во 35 минута, Спиркоски во 41 и уште еднаш Христов во 45 минута.
Во останатите мечеви: Арсими – Новаци 2:0, Скопје – Саса 1:0, Караорман – Кожуф Гевгелија 1:0, Охрид – Башкими 0:2, Тетекс – Победа 0:0 и Вардар Неготино – Детонит Плачковица 2:0.
На табелата води Беса 1976 со 43 бодови, пред Пелистер кој има 36, а на третата позиција е Детонит Плачковица со 35.