Заменик портпаролката на германската влада Кристијана Хофман денеска изјави дека Германија продолжува да одржува дипломатски контакти со Русија на различни нивоа.

– Не постои ситуација во која нема дијалог и контакт со Русија – истакна Хофман и додаде дека германскиот канцелар Олаф Шолц и лидерите на другите земји од Европската унија директно комуницирале со рускиот претседател Владимир Путин, пренесува ТАСС.

Како што рече, контактот се одржува и на други нивоа.

Во меѓувреме, портпаролот на германското Министерство за надворешни работи, Кристијан Вагнер, изјави дека „на Украина е да одлучи под кои услови, кога и како ќе разговара“ со Русија.