Бекам најде спонзор кој ќе плати повеќе од 200 милиони евра за реклама на дресовите
Интер Мајами на 1 март против Лос Анџелес ќе дебитира во МЛС лигата, а непосредно пред стартот на сезоната, сопственикот на новиот клуб, Дејвид Бекам, си најде богат спонзор кој дебело ќе плати.
Главен спонзор на екипата на Интер Мајами ќе биде Катар Ервејс кој за реклама на дресовите ќе плати дури 215 милиони евра, а засега не се знае на колку години ќе биде потпишан договорот.
Логото на авио компанијата од Катар ќе биде на дресовите, на новиот стадион и на сите клупски сувенири.
Со потпишувањето на договорот со Катар Ервејс, Бекам може малку да здивне пред да ја продолжи битката со италијанскиот Интер во битката за правата на името.
Италијанскиот тим ја доби првата битка со МЛС лигата. Американскиот завод за заштита на патенти и имиња (УСПТО) пресуди во корист на италијанската екипа која смета дека името Интер се поврзува исклучиво со тимот од Милано.
Тие сметаат дека називот на тимот на Бекам, Интер Мајами, премногу наликува на Интер Милан и дека е можно во иднина да дојде до забуна.