Како што пренесува турскиот веб портал „ajansspor.com“, десниот бек се наоѓа на „мета“ на Трабзонспор.

Истиот извор вели дека Трабзонспор сака да биде шампион во турската Суперлига, а нивна најнова желба е Егзон Бејтулаи. 25-годишниот одбранбен играч е еден од столбовите на нашата А репрезентација, воедно на клупски план ги брани боите на Шкендија.

Trabzonspor, Makedonyalı sağ bek Egzon Bejtulai'yi kadrosuna katmak istiyor. (Akşam)

➡️https://t.co/XO9do8lryc pic.twitter.com/NPjp7jIV2Q

— Ajansspor (@ajansspor) October 31, 2019

Кариерата ја започна во Тетекс, а од 2013 година е член на тетовскиот клуб кој сезонава во шампионатот ја брани титулата од лани, нема најдобар старт и моментно е на петтата позиција со 15 бодови, дури 12 помалку зад водечкиот Вардар.

Се најавува заминување на португалскиот десен бек Жоао Переира на крајот од сезоната, а како замена се гледа Бејтулаи.

Моментно во турскиот шампионат после девет кола Трабзонспор е на четвртото место со 16 бодови, два помалку од лидерот Аланјаспор.