На свечена церемонија, што се одржа на 6 март во хотелот „Мериот“ во Скопје, беа прогласени добитниците на наградите на вториот БЕАМ Фестивал на најдобри настани.

Асоцијацијата на ивент индустријата ИВАП го организираше второто издание на БЕАМ Фестивалот, кој произлезе како потреба за мапирање на индустријата на настани и валоризирање на работата на професионалците. Фестивалот им оддава признание на креативните идеи и настани, но и ја потенцира важноста на настаните во општеството.

БЕАМ ја слави креативноста, уникатноста, иновативноста, како и вредната и напорна работа на сите актери во индустријата за организација на настани.

– Втора година БЕАМ им оддава признание на најдобрите настани. Овој фестивал покажува дека настаните се важни за културата, за бизнисот, за невладиниот сектор, за државните и за јавните институции, за спортот, буквално за секој сегмент од општеството. Затоа е важно и да бидат валоризирани.

БЕАМ прави пресек на годината што изминала и поттикнува натпревар со цел подигнување на креативноста и квалитетот на настаните. Тој е важен за сите нас кои работиме во секторот на организација на настани. Преку него се запознаваме, учиме едни од други, разменуваме искуства – истакнува Маја Бабиќ, тим лидер на фестивалот БЕАМ.

Категории и наградени проекти:

– Најдобар културен / музички настан – Хајнекен 150 диџеи за 150 години незаборавни искуства – Публицис груп

– Најдобар фестивал / манифестација – Зимска приказна – Општина Битола

– Најдобар корпоративен настан – Enter the red – Влези во црвеното – Њу момент њу идеас компани

– Најдобар самит, конгрес или конференција – Конференција „Чувари на мудроста“ – Маркетинг агенција „Ефектива“

– Најдобар настан за бренд активација / промоција на нов производ или услуга – Хајнекен 150 диџеи за 150 години незаборавни искуства – Публицис груп

– Најдобар експо (саем) – Skopje Air Fair – Авикон

– Најдобар прес / ПР настан – Убавина што носи промени – Њу момент њу идеас компани

– Најдобар НВО настан – Играме заедно пак – Аутизам ААМК

– Најдобар спортски настан – Визер скопски маратон – Сојуз на спортови на Скопје

– Најдобра (бтл) агенција за настани – Публицис груп

– Најдобра рентал компанија – О3 Инвест

– Најдобар добавувач – О3 Инвест

Специјално признание на БЕАМ доби настанот Аеромитинг „100 години македонска авијација“ на Аероклуб Скопје, како признание за одбележување значаен јубилеј.

По однапред утврдени и јавно објавени критериуми и правила беа оценувани пристигнатите пријави во повеќе категории. Комисијата за доделување на наградите со тајно гласање работеше во состав: Ана Зафирова – фриленс новинарка и експертка по комуникации; Анета Андонова – одговорен уредник на Прв програмски сервис на МРТ; Борис Ефтимовски – основач на „Маркетинг 365“; Бранко Илиевски – спортски новинар; Вардан Тозија – филмски режисер; Василка Салевска Трајкова – менаџер за екстерни прашања во „Филип Морис“; Дејан Пројковски – режисер; Душан Марковиќ – корпоративен маркетинг и ПР директор во „Малиќи Груп“; Кире Синадиновски – директор на „Таг Тиминг“; Коста Петров – основач и извршен директор на „Пи Ворлд“; Маја Наумовска Савеска – директор на корпоративни и маркетинг комуникации на „Халкбанка“; Марта Наумовска Грнарова – генерален менаџер на „Завар“; Милчо Александров – светло мајстор; Мите Димовски – композитор и музички продуцент; Наташа Божиновска Миркова – извршен директор на „Репрезент комуникации“; Татјана Лопарски – извршен директор на „Елемент ПР“; Тони Димков – новинар; Огнен Јанески – ТВ-лице, автор и модератор; Рисима Рисимкин – кореограф, уметнички директор на „Танц фест Скопје“; и Лара Чашуле – директор за сервис на клиенти во „Меккен“ – Скопје.

(Текстот е објавен во „Културен печат“ број 221, во печатеното издание на весникот „Слободен печат“ на 9-10.3.2024)