Бартомеу демантира дека си поднел оставка во Барселона
Претседателот на каталонскиот клуб нема намера да ги поџлуша барањата на навивачите.
25. август 2020 година сигурно ќе биде еден од најважните денови во историјата на Барселона бидејќи тоа е денот на кој најдобриот фудбалер, Лионел Меси, во клупската историја на управата и соопшти дека си заминува од „овој циркус“.
Навивачите веднаш се собраа пред „Камп Ноу“ и побараа две работи, Меси да остане и Бартомеу да си даде оставка, а дел од медиумите известија дека тоа и се случило.
Но, по неколку часа се огласи претседателот на Барселона, Хосеп Марија Бертомеу, и ги разочара сите.
– Нити си заминав, ниту пак имам таква намера. Нормално дека станува збор за посебна чувствутелна ситуација во која се можни пресврти,но тие вести кои ги споремувате дека сум поднел оставка се „лажни вести“ – изјави Бартомеу за каталонскиот весник „Спорт“.