Барселона до втората победа во елитното натпреварување дојде уште во првото полувреме со евроголот на Осман Дембеле во 14. минута и на Лионел Меси од пенал во судиското продолжение.

Дербито кое беше осиромашено за Кристијано Роналдо кој е позитивен на коронавирус, го одбележа напаѓачот на Јувентус, Алваро Мората кој постигна дури три гола, но судијата Макели сите три оправдано ги поништи поради офсајд.

Интересен натпревар одиграа и дебитантот во ЛШ, Ференцварош и Динамо Киев кој на крајот заврши 2:2. Украинците водеа со 0:2 со головите на Циганков и Де Пења во првото полувреме, но Ференцварош до бод успеа да дојде во 90. минута и тоа со голот на Боли.

Манчестер јунајтед го прегази Лајпциг на „Олд трафорд“ победувајќи го со 5:0 во натпревар на кој блескаше Маркус Рашфорд. „Црвените ѓаволи“ гол серијата ја отворија во 21. минута кога преку Мејсон Гринвуд поведоа со 1:0 за во второто полувреме да се разигра Рашфорд кој постигна хет-трик со головите во 74.,78. и 92. минута. Петтиот гол беше дело на Марсијал од пенал.

Резулати:
Група Е
Краснодар – Челси 0:4
Севиља – Рен 1:0

Група Ф
Борусија Д. – Зенит 2:0
Бриж – Лацио 1:1

Група Г
Ференцварош – Динамо Киев 2:2
Јувентус – Барселона 0:2

Група Х
Башакшехир – ПСЖ 0:2
Манчестер Јун. – Лајпциг 5:0