Управата на Барселона работи на ангажирање на нови фудбалери за идната сезона и прво име што треба да ја засили екипата е дефанзивецот на Челси, Андреас Кристенсен.

Се очекува до крајот на неделава, двете страни да имаат нова средба на која би требало да се финализираат сите детали од договорот. Станува збор за петгодишен договор на што Кристенсен начелно се согласил.

Откако официјално ќе потпишат со Кристенсен кој на „Камп Ноу“ би дошол како слободен играч, челниците на Барселона ќе тргнат по уште три нови засилувања.

Каталонскиот тим планира да донесе уште еден играч од Челси на кого му истекува договорот на лето, Сезар Аспиликуета. Покрај двоецот на Челси, управата на Барселона ќе се обиде да се договори и со играчот на Милан, Френк Кеси како и Нуасир Мазрауи.

На сите фудбалери договорите им истекуваат на крајот од сезоната и на „Камп Ноу“ би пристигнале бесплатно.