Ернесто Валверде повеќе не е тренер на Барселона, објави каталонскиот весник „Мундо депортиво“. Во текот на денешниот ден бил одржан состанок на Валверде со членови на управата на Барселона на кој му било соопштено дека тој нема да ја води екипата во следната сезона.

Тренерот само си го потпиша отказот со двата порази месецов, шокантниот од Ливерпул (4:0) со кој Барселона беше елиминирана во полуфиналето на Лигата на шампионите и саботниот пораз од Валенсија (2:1) во финалето на Кралскиот Куп. Според управата на клубот, освојувањето на титулата во Ла Лига е премалку за тим од реномето на Барселона, во случај кога сезоната можеше да се заврши со тројна круна.

Според весникот, нов тренер на Барселона се очекува да биде селекторт на Белгија, Роберто Мартинез со кого веќе се направени првични разговори. Според весникот, Мартинез е расположен да седне на клупата на Барселона, веднаш по завршувањето на јунските квалификациите за пласман на Европското првенство во 2020 година.