Барселона доби финансиска инјекција од продажбата на ТВ правата, па конечно ги потврди потписите со првите две засилувања
Барселона иако уште пред неколку месеци ги договори сите детали, дури денеска ги претстави Френк Кеси и Андреас Кристенсен како нови фудбалери на каталонскиот тим.
Барселона и репрезентативецот на Брегот на Слоновата Коска уште во март се договорија, но каталонскиот тим не можеше да го регистрира Кеси поради финансиските проблеми во кои се наоѓа.
Но, со продавањето на ТВ правата за Ла Лига за 207 милиони долари, Барселона доби финансиска инјекција со која конечно може да го претстави Кеси како засилување за следната сезона.
𝐈𝐓’𝐒 𝐎𝐅𝐅𝐈𝐂𝐈𝐀𝐋! 😏
Welcome, Kessie! 💙❤️ pic.twitter.com/wG051AUnpT
— FC Barcelona (@FCBarcelona) July 4, 2022
Кеси на „Камп Ноу“ доаѓа од Милан каде беше еден од најдобрите играчи на „росонерите“ во освојувањето на титулата во Серија А.
Во Барса ќе има три пати поголема плата од таа што ја имаше во Милан, а во клаузулата изнесува дури 500 милиони евра.
Welcome to Barcelona, Andreas Christensen! pic.twitter.com/mHy0sO9FvK
— FC Barcelona (@FCBarcelona) July 4, 2022
Освен Кеси, Барселона го потврди потписот и со уште еден фудбалер со кого се договори пред неколку месеци, тоа е Андреас Кристенсен кој доаѓа од Челси.
Кристенсен потпиша четиригодишен договор со Барселона, а откупната клаузула како и таа на Кеси изнесува дури 500 милиони евра. Официјалната промоција на првите две засилувања за Барселона за следната сезона ќе биде в четврток.