Бартомеу како и неколку поранешни функционери на Барселона, вчера е уапсен во полициска акција која е поврзана со аферата „Барсагејт“. Денеска Бартомеу е пуштен условно на слобода, исто како и неговиот поранешен соработник.
„Истражниот суд во Барселона во повод случајот кој е покренат во мај 2020 година поради нелојална администрација и корупција во работењето, сослушани се поранешните раководители на Барселона, Жосеп Марија Бартомеу и Хауме Масферер. Тие двајца се наоѓаат под истрага, се изведени денеска пред судија и се повикаа на своето право да не сведочат. Судијата потоа ги ослободи со кауција“, стои во соопштението на Судот во Барселона.

Истрагата е покрената поради сомнежите оти Бартомеу плаќал фирми кои на социјалните мрежи би го нарушувале угледот на поранешни и сегашни фудбалери на Барселона, а меѓу нив е и Лионел Меси, кои не се согласувале со политиката на поранешниот претседател.

Уапсен поранешниот претседател на Барселона, Жозеп Марија Бартомеу