Се комплетираше саботната програма од 27 коло во најсилното германско првенство, на „Алијанц Арената“ во Минхен, Баерн со 5:2 го совлада Ајнтрахт Франкфурт.

Нова „петарда“ на баварскиот гигант и повторно е на четири бодови од второпласираната Борусија Дортмунд во генералниот пласман во трката за шампионската титула.

Токму овие две екипи ќе се сретнат во следното коло на 26 мај кога домаќини ќе бидат „милионерите“, и клучен дуел во битката за врвот.

После првото полувреме водеа играчите на Флик со головите на Горецка и Милер, а на стартот од вториот дел зголеми Левандовски.

Хинтерегер на спротивната страна за период од три минути ги врати надежите на својот клуб, но веднаш одговор дојде од домашниот тим за 4:2 преку Дејвис.

На овој меч Хинтерегер беше блиску да го комплетира хет-трикот, но наместо во мрежата на Нојер, во 74 минута ја затресе сопствената за поставување на конечниот епилог.

Освоен и Волфсбург, „милионерите“ се борат за титулата (ВИДЕО)