Баерн нема намера да го носи Роналдо на „Алијанц арената“
Како гром од ведро небо синоќа одекна информацијата дека Кристијано Роналдо би можел да се пресели во Баерн Минхен на местото на Роберт Левандовски, но новинарот на Скај Спорт, Флоријан Плетенберг тврди дека нема ништо од тоа.
Плетенберг тврди дека од доаѓањето на Роналдо во редовите на баварскиот гигант нема ништо, но сосема е можно Португалецот да си замине од „Олд Трафорд“.
Новинарот пишува дека Баерн не може да му ги понуди финансиските услови што Роналдо го има во Манчестер јунајтед, но исто така баварците не се клуб кој има обичај да прави скапи трансфери.
Наводите дека Роналдо може да пристигне во Баерн ги отфрли и Кристијан Фалк, новинар на угледниот „Билд“.
Сепак, сите извори тврдат дека Роналдо ќе го напушти Манчестер јунајтед доколку тимот не се засили во летниот преоден рок за да може да се вклучи во трката за шампионската титула во Премиер лигата.