Македонскиот фудбалски интернационалец Давид Бабунски е на чекор од трансфер во Абердин, клуб каде што во минатото настапуваше и Бојан Миовски. Според извори од Шкотска, преговорите се во завршна фаза и официјалната потврда се очекува наскоро.

Бабунски неодамна се раздели со Данди јунајтед по една сезона во клубот, за кој одигра 20 натпревари, постигна еден гол и запиша една асистенција. Во Шкотска пристигна од унгарскиот Мезоковешд.

Во текот на својата интернационална кариера, 29-годишниот офанзивен играч за врска настапуваше за бројни клубови ширум Европа и Азија, меѓу кои се Дебрецен, Вторул, Ботошани, Омја Ардија, Јокохама Ф. Мариноз, како и белградска Црвена Звезда. Своевремено беше дел и од фудбалската школа на Барселона, каде ги мина младинските категории.

За македонската сениорска репрезентација има одиграно 18 натпревари.