Австралијките и Американците ја продолжија својата доминација во штафетата 4х100
Австралијките го соборија сопствениот олимписки рекорд, кој го поставија пред три години во Токио.
Препорачано
Пливачите од САД го освоија златниот медал на Олимписките игри во Париз во штафетата на 4×100 метри слободно, додека златото ѝ припадна на Австралија во женска конкуренција во истата дисциплина.
На овој начин Американците стигнаа до третото последователно злато на Олимписките игри во таа дисциплина, а Австралијките го освоија четвртото.
Пливачите на САД до златото стигнаа за 3:09,28 минути, додека второпласираната селекција на Австралија беше побавна за 1,07 секунди, а третопласираната Италија за 1,42 секунди.
It’s #gold for Australia and a new #Olympicrecord of 3:28,92! ??
First place in swimming women's 4x100m freestyle relay, which is Australia's 4th gold in a row in the event! ?@AUSOlympicTeam | @WorldAquatics | #Swimming#Paris2024 | #Samsung | #TogetherforTomorrow pic.twitter.com/fKeVI9jDn8
— The Olympic Games (@Olympics) July 27, 2024
Во женска конкуренција, Австралијките го соборија сопствениот олимписки рекорд што го поставија пред три години во Токио.
Штафетата ја завршија за 3:28.92, што е за 0.77 секунди побрзо од претходните Олимписки игри. Среброто го освоија пливачките од САД, а бронзата кинеските пливачки кои го урнаа азискиот рекорд за три минути и 30,3 секунди.
