Атлетико Мадрид се засили со шампион на Јужна Америка
Шпанскиот шампион Атлетико Мадрид го донесе првото големо засилување во летниот преоден рок. Атлетико потпиша петгодишен договор со аргентинскиот репрезентативец Родриго де Паул за 35 милиони евра.
Де Паул е херој на Аргентина која изминатиот викенд триумфира на Копа Америка, тој му асистираше на Анхел ди Марија за победа над Бразил.
😊🔴⚪️ #WelcomeDePaul!
🆕🏧 @rodridepaul is already red and white!
📝 https://t.co/3FhPJU0jtr pic.twitter.com/3MhyDe1aMP
— Atlético de Madrid (@atletienglish) July 12, 2021
Де Паул во Атлетико Мадрид доаѓа од Удинезе, а иако можеше да бира каде ќе ја продолжи кариерата, тој се одлучи да работи со неговиот сонародник, Диего Симеоне кој го убеди дека „јорганџиите“ се идеален тим за него.
Минатата сезона во Серија А, Родриго де Паул постигна девет голови и имаше 10 асистенции.