Артета: Првите неколку недели откако Сити стана шампион беа многу тешки
Арсенал го победи Манчестер сити и го освои „Комјунити Шилд“ по подоброто изведување пенали така дојде првиот трофеј во новата сезона.
Арсенал го урна ривалот кој му ја одзеде шампионската титула во драматичната завршница од минатата сезона, а „ученикот“ Микел Артета забележа победа против својот поранешен ментор Пеп Гвардиола, кому му беше асистент во Сити пред да го преземе Арсенал. По мечот, Артета се осврна на загубената титула:
– Првите неколку недели откако Сити стана шампион беа многу тешки. Првото нешто што треба да направите е да се погледнете во огледало и да сфатите – дали има нешто што требаше да го направите подобро или поинаку? Ако е така, научете од тоа. Проценете се сами. Дали сте сè уште вистинската личност да го водите клубот, тимот, напред на начинот на кој сакате и дали ја имате таа енергија и таа верба дека сакате да го направите тоа? Беше потребно многу размислување, но одговорот е „да“ и чувствувам многу енергија и позитивност – вели Артета.
Арсенал имаше осум бода повеќе од Сити на почетокот на април, но ја загуби предноста од два гола во меѓусебните натпревари против Вест Хем и Ливерпул, дозволувајќи им на своите противници да се вратат, да ремизираат и да му ги откинат клучните бодови во трката за титулата.
Инаку новата сезона во Премиер лигата (2023/2024) официјално ќе почне на 11 август кога Манчестер сити ќе му гостува на Барнли, додека Арсенал следниот ден ќе го пречека Нотингем.