Арсенал го подготвува најголемиот трансфер во историјата на клубот?
Англискиот фудбалски клуб Арсенал отвори преговори со Пари Сен Жермен за потпишување на францускиот репрезентативец Бредли Баркола, според „Фичајес“.
Препорачано
Овој 23-годишен се мачи со минутажа во Париз оваа сезона, бидејќи тренерот Луис Енрике му дава повеќе предност на напаѓачкото трио Усман Дембеле, Дезире Дуе и Хвича Кварацхелија.
Токму незадоволството од неговата минутажа ги поттикна гласините дека Баркола би можел да го напушти клубот оваа година. Лондонските „топџии“ наводно се подготвени да бидат фаворити за неговиот потпис, а менаџерот Микел Артета го гледа како решение за напаѓачката линија на својот тим.
Иако Артета има еден од најсилните тимови во светот, посакува на позицијата лево крило да има дополнителен квалитет. Доаѓањето на Баркола би донело опасност на левата страна и би создало совршена рамнотежа со брилијантниот Сака на десното крило.
Arsenal reportedly in talks with PSG for Bradley Barcola! 🤯 The young winger, struggling for minutes, is also on Liverpool's radar. Who's got the edge? 🤔 #Arsenal #PSG #TransferRumours 🔴⚪️🔵 https://t.co/TPvuOcXsQ3
— MU News Now (@ManUnitedNewsnw) January 11, 2026
Тоа би го направил клубот од северен Лондон сериозен кандидат во сите натпреварувања, вклучително и Лигата на шампионите.
Тоа е име кое не се споменува често, а цената на трансферот е достојна само за играч кој носи доминација на теренот. Моментално рекордно засилување на Арсенал е Деклан Рајс, за кого Вест хем плати 116 милиони евра, и се верува дека Баркола би можел да ја надмине таа сума.
