Арда Туран се врати во клубот каде што ја почна кариерата (ВИДЕО)
Турскиот фудбалер Арда Туран минатиот месец стана слободен играч откако му истече договор со Барселона.
Скоро една година нема одиграно натпревар, во јануари ја прекина позајмицата во Башакшехир. Се врати во Барселона каде што тренираше целосно сам и чекаше само да истече неговиот договор.
33-годишниот фудбалер денеска официјално пронајде нов предизвик, односно беше промовиран како нов играч на Галатасарај.
Токму овој клуб беше неговиот прв во професионалната кариера, во периодот од 2005-2011 година имаше учинок од 29 голови во 130 натпревари. Воедно ја освои титулата во првенството во сезоната 2007/2008.
Играше и во Шпанија, за Атлетико Мадрид имаше по една титула во „Ла Лига“, „Копа дел Реј“, Лига Европа и УЕФА Суперкупот, а со Барселона еднаш ја освои „Ла Лига“, како и националниот Суперкуп, а двапати „Копа дел Реј“.
#YuvanaHoşgeldinArda @ArdaTuran pic.twitter.com/9aeXI0cY7X
— Galatasaray SK (@GalatasaraySK) August 5, 2020
