Апелација морала да ја извести јавноста во моментот кога ја донела одлуката, вели Лазарова Трајковска

Мирјана Лазарова Трајковска, врховен судија / Утрински брифинг
Мирјана Лазарова Трајковска, врховен судија / Утрински брифинг

„Кога има предмети кои предизвикуваат јавен интерес, во принцип, судот води сметка за постапувањето по предметот. Води сметка и за ефикасноста на водењето на постапката и по дефиниција знае дека таков предмет е под окото на јавноста. Оттука е обврзан за донесената одлука да информира благовремено, како што налага транспарентноста на судството“ рече Мирјана Лазарова Трајковска, врховна судијка, поранешна судијка во Европскиот суд за човекови права во Стразбур и поранешна уставна судијка, во вечерашното интервју во „Топ тема“ на телевизија „Телма“.

Таа се осврна на укинувањето на пресудата во предметот „Таргет-Тврдина“ за масовното нелегално прислушување, за што меѓу обвинетите беше и поранешниот шеф на УБК, Сашо Мијалков, кому му беа изречени 12 години затвор. Апелација минатата недела ја укина пресудата и предметот го врати на повторно судење.

– Погледнато однадвор, овде чини дека има два проблема – од завршувањето на јавната расправа до одлучувањето по предметот, како долг временски период, остана необјаснето во соопштението на Апелациониот суд, и второ – сметам дека објавеното соопштение вчера е задоцнето. Тоа требало да го направат во моментот кога ја донеле одлуката, на 5 декември, да направат една прес-конференција. Кога се повисоките судови во прашање, се чита и дел од пресудата, за да ѝ биде јасно на јавноста зошто тој суд одлучил така како што одлучил. Судиите во судовите имаат обврска да водат сметка за предметот да не застари. Од тие причини се важни процедуралните чекори што ги прават. И тука немам дилема дека Апелацискиот суд треба да води сметка. Она што е исклучително загрижувачко во таквите предмети од јавен интерес е немањето на сензибилитет за интересите на јавноста. Одлуката може да биде засновата и врз одлично образложение, меѓутоа судот е должен кон јавноста, знаејќи го влогот во тој предмет со кој се засегаат 20.000 лица, да ја извести јавноста во моментот кога одлучил“, рече Лазарова Трајковска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот