Фудбалската асоцијација (ФА) го суспендираше поранешниот судија од Премиер лигата, Дејвид Кут, на осум недели поради несоодветни коментари упатени кон поранешниот менаџер на Ливерпул, Јирген Клоп.

Кут претходно беше отпуштен од Премиер лигата во декември 2024 година, а новата казна се однесува на видео клип кој е снимен во јули 2020 година, но протече во јавноста дури во ноември минатата година.

Во контроверзното видео, Кут даде несоодветна забелешка за националноста на Клоп, што ФА го опиша како „тешко кршење“ на правилата.

Поранешниот судија ја призна својата вина, а во писмените причини за одлуката се наведува дека Кут изразил „длабоко каење“ и признал дека неговите коментари биле „груби и несоодветни“.

Покрај суспензијата, Кут ќе мора да посетува и задолжителна образовна програма организирана од ФА.

David Coote has been further sanctioned by the FA for an "aggravated breach" of rule E3.2, because of the reference he made to Jurgen Klopp's nationality in a video on social media. pic.twitter.com/Sj3KmtV2jI

— BBC Sport (@BBCSport) August 12, 2025