Англиската јавност не се согласува со Карагер: Видиќ е подобар стопер од Ван Дајк
Изјавата на Џејми Карагер во која ги спореди Вирџил Ван Дајк и Немања Видиќ предизвика многу реакции во англиската јавност, па беше направена и голема анкета.
Ван Дајк веројатно е најдобриот стопер на Ливерпул во последните десет години, но во последните две сезони не е на нивото од кога неговиот тим ја освои Премиер лигата и претходно Лигата на шампионите.
„Рио и Тери имаа исто така лоши сезони во кариерата, како и сите други играчи. Ван Дајк сега игра една таква сезона. Сепак, ниту еден стопер во Премиер лигата нема такво влијание на играта на својот тим како што има Ван Дајк. Ван Дајк е многу подобар стопер од Видиќ кој беше фантастичен, но ги заборавивте ли неговите дуели со Торес“, гласеше изјавата на Карагер.
„Дејли Мејл“ се одлучи и да направи анкета, а според гласовите најголем дел од јавноста не се согласува со мислењето на поранешниот дефанзиец на Ливерпул.
За Ван Дајк гласале 34% од испитаниците, додека Видиќ освои 64% од гласовите.