Андонова со гол ја завери победата на Леванте и пласманот во финалето на шпанскиот Суперкуп
Капитенката на женската фудбалска репрезентација, Наташа Андонова учествуваше со гол во победата на својот тим Леванте во полуфиналето на шпанскиот Суперкуп.
Леванте со 3:1 го совлада Логроњо и обезбеди пласман во финалето, а Андонова го постигна третиот гол за својот тим. Таа голот го даде во 73. минута, само девет минути откако влезе во игра.
Логроњо поведе во 28. минута преку Бохо Сајо, а Гонзалез Родригез израмни во 34. минута додека Наваро донесе водство од 2:1 пред Андонова да ја завери победата.
Противник на Леванте во финалето на шпанскиот Суперкуп ќе биде подобриот од дуелот помеѓу Барселона и Атлетико Мадрид.
⚽️¡GOOOL del Levante! Andonova marca el tercero para el club granota tras una gran jugada personal de Esther
3⃣Levante??
1⃣Logroño⚪️⚪️?En DIRECTO: https://t.co/wgAVMDSNo2 pic.twitter.com/Psk7qrGnMe
— Teledeporte (@teledeporte) January 12, 2021