Kинеската Амбасада во Вашингтон примила смртни закани и предупредувања дека има постваена бомба за што ја обвини американската администрација. Ова го изјави портпаролот на амбасадата кој во реакцијата ги обвини американските власти дека сеат клевети и омраза против НР Кина.

Зголемените дипломатски тензии меѓу Вашингтон и Пекинг уследија само еден ден откако американскиот Стејт Департмент побара затворање на кинескиот конзулат во Хјустон „со цел да се заштити американската интелектуална сопственост и приватните информации на Американците”.

Кина соопшти дека Вашингтон одеднаш и без објаснување побарал кинескиот конзулат во Хјустон, Тексас, да биде затворен без одложување, што официјален Пекинг остро го осуди и се закани со реципрочни мерки. Медиумите јавуваат дека било забележано како кинеските дипломатски преставници наводно ја гореле документацијата со цел, како што беше посочено да се уништат доказите од наводната индистриска шпиунажа на кинезите.

Тензиите на САД со Кина може да се протолкуваат како континуирани, ако се земе во предвид дека од самото доаѓање на Доналд Трамп на претседателската функција, се обидува да се пресмета со Кина и нејзината светска економска доминација. Покрај индистриската сопственост, САД имаат нарушени односи и околу состојбата во Хонг Конг, каде кинеската комунистичка партија воведе закони, со кои се загрозува степенот на западната демократија, систем за кој 1997 та година, за време на примопредавањето на управата од страна на Лондон, Пекинг се обврза дека нема да го менува.

Покрај затворањето на конзулатите на Кина низ САД, како и забраната за воведување на информатичка технологија од страна на кинеските компании кои се погласно се обвнуваат за шпиунажа, Пекинг е изиритиран и од обидот на западот да го врати на маса тајванското прашање и пред се проблемот со Ујгурите, неколку милионска муслиманска заедница која живее во Кина.

Имено Франција и САД побараа дозвола да бидат испратени меќународни преставници во Ујгурската област Ксинџијанг”. за да се утврдат наводите за наводна репресија на кинескиот комунистички режим врз ова население. Изминатите години Ујгурите изведоа серија терористички напади во Кина барајки независност, за што Пекинг го обвини Западот и пред се САД.

Особена геостратешка игра, изминативе месеци се води и за затоплување на односите и сојузништво на САД со Индија. Индија е жесток ривал на Кина, економски и политички. Како земја сосед има територијален спор околу границата со Тибет, а изминативе недели имаше и вооружени престрелки долж границата меѓу двете армии.

Американскиот државен секретар Помпео во моментов се наоѓа во посета на Њу Делхи каде го договара сојузништвото со Индија, а со цел да се намали доминацијата на Кина. Токму Индија е посочена како сериозен ривал на Кина, и по број на население и по геостратешката положба.

Сите овие тензии со Кина практично го одбележаа првиот мандат на Доналд Трамп. Во предизборната кампања 2016 година, тој најавуваше конечна пресметка и стопирање на кинеската експанзија. Сега на крајот на мандатот , Кина треба да му биде главната тема со која ќе ја убеди американската јавност и граѓаните за да го освои вториот мандат.

Можеби токму намалениот рејтинг и разликата од 8 проценти во однос на Бајден го запалил алармот кај Трамп, предизборната офанзива и провценката да му се базира токму преку персметката со Кина, и така да го го врати рејтингот во рпесрет на изборите закажани за 3 ноември годинава.