Ана Брнабиќ ќе ја добие вилата на Јованка Броз за вториот мандат?

Фото: EPA-EFE/ANDREJ CUKIC

Куќата со површина од 750 квадратни метри во улица „Кнеза Александар Караѓорѓевиќ“ 75 припаѓа на „државните репрезентативни згради“, но со години се распаѓа.

Реновирањето на зградата, чие официјално име е Вила Бор, започна минатата година на сметка на државата и според порталот Нова.рс, зградата „сјае повторно во полн сјај, од пристапниот тротоар и оградата, до најмалите детали на фасадата, и поставени се и голем број на безбедносни камери. Вечерње новости на крајот на 2019 година напиша дека планирано е се издвојат околу 34 милиони динари за реновирање на вилата. Медиумите проценуваат дека вилата вреди најмалку четири милиони евра.

Некои претставници од дипломатските кругови за Данас тврдат дека „со оглед на фактот дека објектот е реновиран и дека се инвестирани големи средства во него, тој секако ќе го користат државните службеници, најверојатно премиерката“.

Да потсетиме, Брнабиќ, која неодамна го освои својот втор мандат како премиер, кон крајот на август изјави дека постои можност во вилата на Јованка Броз ќе биде новиот премиер, нагласувајќи дека „Владата ќе одлучи за тоа, во согласност со потребите, јас не одлучувам за тоа“.

Според достапните податоци, премиерката Ана Брнабиќ има стан на Дедиње, во близина на Белиот дворец, со површина од 328 квадратни метри, што го купила во 2014 година, вреден 490.000 евра и „дел од купопродажната цена го отплатила од кредит“.

Во тоа време, според официјалната биографија, таа била директор на компанијата Континентал винд Србија (CWS), каде работела на реализација на инвестиција вредна 300 милиони евра во ветропарк  во општина Ковин.

Таа исто така беше потпретседател на Управниот одбор на Националната алијанса за локален економски развој.

Ана Брнабиќ влезе во Владата на Србија во 2016 година како непартиска личност, станувајќи министер за државна администрација и локална самоуправа.

Во однос на 2017 година, кога за прв пат беше избрана за претседател на владата, Ана Брнабиќ има принова – таа и нејзината партнерка Милица Ѓурчиќ добија син.

Коментирајќи ги наводите дека премиерката Брнабиќ ќе се пресели во вилата во која живееше вдовицата на Тито, Јосип Јошка Броз, внук на Тито и пратеник од листата на СПС, за Данас рече: „Нормално и треба, но можеа  порано да ја реновираат“.

На прашањето што би значело преместувањето на премиерот во таа зграда од безбедносна гледна точка, Драган Шутановац, поранешен министер за одбрана на Србија и сегашен претседател на Советот за стратешки политики, за весникот вели:

„Премиерот на Република Србија е едно од заштитените лица кои остваруваат право на престој во службен стан или куќа. БИА прави безбедносна проценка врз основа на која прави планови за заштита на заштитените лица “.

– Тешко е да се претпостави дали премиерот денес е позагрозен од претходните години, но секако со преселба во официјалната куќа безбедноста ќе се подигне на повисоко ниво. За жал, живееме во земја каде што беа убиени премиерот, министерот за одбрана и неколку високи функционери, така што безбедноста на премиерот не треба да се доведува во прашање. Дали куќата во која живееше Јованка Броз е најдобро решение, не би можел да коментирам, но сигурно е дека на овој начин ќе им се олесни работата на сите кои учествуваат во заштитата, но и животот на поранешните соседи кои трпеа одредени последици, укажува Шутановац.

Каде живееја претходните премиери

* Откако беше избран на оваа позиција во јануари 2001 година, покојниот премиер Зоран Ѓинѓиќ првично живееше во неговиот стан на „Студентски трг“ во Белград, а потоа, од безбедносни причини, се пресели во резиденција на Ужичка 40 на Дедиње.

* Воислав Коштуница, кој стана претседател на СРЈ на изборите во есента 2000 година, а потоа беше премиер на Србија од 2004 до 2008 година, никогаш не се исели од својот стан во зграда на улицата „Господар Јевремова“ во белградската општина Стари град.

* „Наследникот“ на Воислав Коштуница на премиерската позиција, Мирко Цветковиќ, кој беше на чело на Владата од 2008 до 2012 година, живееше во споменатиот период во семејна куќа од околу 150 квадратни метри, сопственост на неговата сопруга, во Земун.

* Актуелниот претседател на Србија, Александар Вучиќ, кој беше премиер од 2014 до 2017 година, е сопственик на гарсоњера во населбата „Белевил“ на Нов Белград, за кој според достапните податоци платил 39.000 евра, а покрај неговата гарсоњера има и стан од 104 квадратни метри, сопственост на неговата сопруга Тамара. Вучиќ ја користи Вилата Бокељка, на Дедиње, најмногу за прием на странски службеници, но според некои извори на Данас, и живее во неа. Овие тврдења се потврдени со фактот дека група приврзаници на Вучиќ се собраа за да ја изразат својата поддршка кога тој отпатува за Брисел и Вашингтон, на почетокот на септември.

* Ивица Дачиќ, и како премиер од 2012 до 2014 година и дури и сега, според достапните податоци, живее во четирисобен стан на Дедиње, што го откупи од државата во 1997 година, кога беше пратеник и портпарол на СПС.

Грабежот од 2013 година

Вила Бор беше ограбена во февруари 2013 година, додека беше жива Јованка Броз. Како што тогаш известуваше РТС, било провалено биро и биле одземени вредни предмети на вдовицата на Броз. Јованка Броз живееше во таа запоставена зграда 33 години – од моментот кога беше присилно протерана од резиденцијата лоцирана на Ужичка 15 по смртта на нејзиниот сопруг, па сè до нејзината смрт. „Само еден агол не протекува“, изјави таа кога министрите Ивица Дачиќ и Расим Љајиќ и доделија лични документи во 2009 година, после три децении.

(Извор: Данас.рс)

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот