Американските сили за специјални операции се трајно распоредени на островите на фронтот на Тајван, подготвувајќи ги елитните тајвански единици за можни операции за одбрана на островот и герилска војна против eевентуална кинеска инвазија, пренесува „asiatimes“.

Mесецов беше соопштено дека припадници на американската армија се распоредени во Тајван на тековна обука според Законот за овластување за национална одбрана од 2023 година.

Американските трупи на Кинмен ќе бидат лоцирани на само десет километри од копното на Кина.

Најавите се дека американските воени советници ќе заземат постојани позиции во амфибиските командни центри на Тајванската армија во Кинмен и Пенгу, спроведувајќи редовни вежби за обука заедно со елитните сили на Тајван.

Соработката вклучува обука на тајвански војници за користење на „Black Hornet Nano“, компактно воено беспилотно летало и создавање оперативни упатства и прирачници за обука за дронот.

Тајванската команда за авијација и специјални сили предложи да се набави дронот директно од САД преку воени продажни патишта.

Островите на фронтот на Тајван, Кинмен и Пенгу се критични за негова одбрана, при што американските сили за специјални операции играат витална улога во долготрајната стратегија за одбрана на островот.