Карлос Алкараз размислува да си истетовира мал кенгур на ногата, како траен спомен од историскиот успех на Австралија опен. Со победата над Новак Ѓоковиќ во финалето во машка конкуренција во неделата, Шпанецот на само 22 години стана најмладиот тенисер кој го комплетирал т.н. „кариерен Грен-слем“.

„Веќе сум сигурен дека ќе биде кенгур. Само уште не знам точно каде. Размислувам за ногата, но сè уште не сум решил дали ќе биде на десниот или на левиот лист“, изјави Алкараз.

Ден по големото финале, Алкараз позираше пред фотоапаратите со трофејот од Австралија опен, облечен лежерно во црно и во мокасини без чорапи. Фотосесијата се одржа во зградата на „Ројал Екзибишн“, опкружена со градини во самиот центар на Мелбурн.

ВИДЕО | Алкараз со пресврт до првата титула на Австралија опен