Фудбалерот на Интер, Алесандро Бастони, е отворен за трансфер во Барселона во претстојниот летен преоден рок, објави шпанскиот весник „Марка“. Иако официјалните разговори меѓу двата клуба сè уште не се започнати, италијанскиот репрезентативец веќе ги информирал Каталонците дека сериозно би размислил за трансфер на „Камп Ноу“.

Барселона активно бара нов централен дефанзивец, а главните критериуми се играчот да игра на левата страна и да доминира во воздушните дуели. Бастони е идентификуван како главна цел на клубот за претстојната сезона.

Во исто време, Интер е подготвен да слушне конкретни понуди за италијанскиот репрезентативец, но е убеден дека преговорите можат да започнат само со понуди што почнуваат од 70 милиони евра, колку што стои и на официјалната страница на Трансфермаркт. Моментно има важечки договор со миланскиот клуб до 30 јуни 2028 година.

Шпекулациите за трансферот се засилија во последните недели, а Бастони доби јавно признание од младата надеж на Барселона, Пау Кубарси. Во февруари, Кубарси за одбранбениот фудбалер на „нераѕурите“ имаше само пофалби.

Иако финансиските параметри се високи, желбата на играчот може да биде одлучувачки фактор за склучување на еден од најголемите договори следното лето.