Фудбалскиот клуб Силекс ја информира јавноста дека е продолжена соработката со шефот на стручниот штаб, Александар Васоски, кој и во наредната сезона ќе го предводи тимот.

По историската сезона и освоениот Куп-пехар, заедничката приказна продолжува со нови предизвици, нови победи и нови успеси на европската сцена ова лето. Шефот останува – до нови победи! – стои во објавата на ФК Силекс.

Потсетување, клубот од Кратово го освои Купот по победата од 1:0 над тетовска Шкендија на Националната Арена „Тодор Проески“ во Скопје.

Така, Силекс покрај овој трофеј, се избори и за пласман во Европа, поточно во Лигата на Конференции.