Албанскиот принц стана татко: На приновата чекаше четири години, а таа се роди на многу важен ден
Единствениот наследник на последниот крал на Албанија, Зогу Први, принцот Лека и неговата сопруга Елиа станаа родители.
Принцот Лека е горд татко на својата штотуку ќерка, која парот одлучи да ја нарече Жералдина, во знак на сеќавање на бабата на Лека, кралицата Жералдина. Многумина веднаш се сетија дека малечката принцеза е родена на 22 октомври, истиот ден кога кралицата Жералдина почина во 2002 година.
– Нејзиното височество и нејзиното бебе се добро – се наведува во соопштението на кралското семејство.
Да се потсетиме, Лека и Елиа се венчаа во 2016 година, а на свеченоста присуствуваа околу 20 претставници од кралските семејства од целиот свет.
The Royal Family is delighted to announce the birth of Her Royal Highness Princess Geraldine, who was born to TRH Crown Prince Leka and Crown Princess Elia, Thursday the 22nd of October. Crown Princess Elia was safely delivered at 09:30, at the “Queen Geraldine Maternity” pic.twitter.com/77necOoL8e
— Princ Leka (@princeleka) October 22, 2020
Зогу Први е прогласен за крал во 1928 година, а ја напуштил Албанија во 1939 година за време на инвазијата на италијанските фашистички трупи, една година откако се оженил за унгарската принцеза Жералдина Апоњи. На членовите на албанското кралско семејство им било забрането да се движат на албанската територија до 1990 година, пет години по смрта на комунистичкиот диктатор Енвер Хоџа, во чие владеење наследниците на Зогу Први се сметале за предавници на режимот.