Хрватското министерство за внатрешни работи за претстојниов викенд најави „акција низ целата држава насочена кон зголемување на безбедноста на патиштата и спречување на сообраќајни несреќи“, што е полициски начин да се каже дека засилено ќе контролираат и казнуваат.

„Ќе се преземат зголемени активности насочени кон спречување и санкционирање на најсериозните прекршоци кои се најчести причини за сообраќајни несреќи, таканаречените „четири главни сообраќајни убијци“, велат од полицијата.

Сообраќајните полицајци ќе вршат засилен надзор, со фокус на: непочитување на ограничувањата на брзината, возење под дејство на алкохол, дроги и лекови, неносење на сигурносен појас и неправилна употреба на мобилни телефони при возење. Покрај горенаведеното, полицијата ќе санкционира и други прекршоци што ја загрозуваат безбедноста на патиштата, соопшти хрватското МВР.