Ако ви останале велигденски јајца направете го превкусниот рецепт со ориз и бешамел сос
Колку и да сакаме да јадеме варени јајца за Велигден, секогаш се случува да ни останат, а потоа да не знаеме што да правиме со нив.
Препорачано
Ако и вам ви останале јајца од Велигден, ви предлагаме превкусен и лесен рецепт – јајца со ориз и бешамел сос.
Состојки:
– 8 јајца
– 40 г путер
– 150 г ориз
– сол
– магдонос
– 20 г рендан пармезан
За бешамел сосот:
– 50 г путер
– 30 г брашно
– 500 мл млеко
– 1 лажица мешавина од суви зачини
– бибер
– сок од лимон
– 100 мл слатка павлака
Подготовка:
Подгответе го бешамел сосот така што ќе го загреете путерот, ќе го вмешате брашното и сосема кратко ќе го пропржите. Потоа прелијте со ладно млеко, додајте ги зачините и мешајќи гответе околу пет минути, додека сосот не се згусне. Додајте малку сок од лимон, бибер и слатка павлака. Во посебен сад, кратко пропржете го оризот во загреан путер, потоа прелијте го со околу 300 мл вода, додајте малку сол и оставете го додека половина не се свари. Додајте го сечканиот магдонос и распоредете го оризот во сад за печење. Врз него наредете ги по должина исечените варени јајца, сè прелијте со подготвениот сос и посипете со ренданиот пармезан. Печете околу 15 минути во рерна загреана на 220 степени.
