Агентот Гарди: Елиф Елмас има понуди од Германија
Елиф Елмас ја започна и петтата сезона како фудбалер на Наполи со кој има важечки договор до 30 јуни 2025 година.
Италијанските медиуми објавуваат нови информации за нашиот фудбалски „дијамант“, според „Ил Матино“ Елмас има понуди од неколку германски клубови чии имиња не се познати.
Агентот на Елмас, Џорџ Гарди примил интересни понуди од Германија за нашиот играч и сака да има состанок со клубот од Неапол со цел да се знае каква ќе биде улогата на Македонецот во проектот на Руди Гарсија, тренерот на „наполитанците“.
Моментно еден од најдобрите македонски репрезентативци според „Трансфермаркт“ вреди 25 милиони евра.
Претседателот на Наполи, Аурелио Де Лаурентис јасно кажа дека нема намера да продаде никого, сака да има конкурентен тим што ќе се бори за трофеи во Италија и Европа.