Агентот Барнет: Бејл нема да го напушти Реал Мадрид!
За фудбалската иднината на Бејл се шпекулира подолго време, но и покрај сите гласини за негово заминување, тој и натаму е дел од „кралскиот“ клуб.
Герет Бејл не е заинтересиран за американската МЛС и многу малку е веројатно дека тој ќе го напушти Реал Мадрид.
Неговиот агент Џонатан Барнет негира заминување на велшкиот интернационалец во САД и до крајот на сезоната нема да си оди од „Сантјаго Бернабеу“.
– Герет не е заинтересиран за трансфер на американскиот континент. Тој нема да го напушти Реал Мадрид во зимскиот преоден рок и многу е веројатно дека тоа нема да се случи ниту во текот на летото – рече Барнет.
За фудбалската иднината на Бејл се шпекулира подолго време, но и покрај сите гласини за негово заминување, тој и натаму е дел од Реал.
Велшанецот оваа сезона досега во најсилната шпанска фудбалска „Ла Лига“ во дресот на „кралскиот“ клуб има 12 одиграни натпревари и постигнати два голови во ремито со Ваљадолид.