Аеродромот Берлин/Бранденбург останува затворен утрово, без авиони што можат да полетуваат поради црниот мраз и постојаниот замрзнат дожд, изјави портпаролот на аеродромот, за ДПА, пренесува Ројтерс.

„Поради црниот мраз и постојаниот замрзнат дожд, во моментов не се можни полетувања или слетувања на аеродромот во Берлин“, изјави портпаролот.

Таа додаде дека екипите на аеродромот во текот на ноќта вложиле напори да го отстранат црниот мраз (мазна, речиси невидлива и многу лизгава површина од мраз, обично на темна површина) од пистата на аеродромот и другите области каде што работат, но без успех и површините во моментов се исклучително лизгави.

Останува нејасно кога летовите ќе можат да продолжат.

Полетувањата и слетувањата на аеродромот веќе беа прекинати вчера вечерта поради црниот мраз.