Адвокат од Велес ќе бара 7 милиони евра оштета од полицијата: Ми удрија шлаканица, ми ја пцуеа сестрата

Адвокатот Спасе Скорниев од Велес ќе ја тужи велешката полиција, зашто како што тврди, полициски службеник му удрил шлаканица, а друг му ја пцуел сестрата што работи во влада, додека приведен седел на столче во станица.

Според Скорниев, тој бил приведен зашто додека возел со својот кабриолет на еднонасочна улица пред велешкиот суд, повозрасен човек неколку пати се обидел да ја премине улицата, а на крајот легнал на земја, преправајќи се дека е повреден и дека бил удрен од возилото на Скорниев.

– Човекот срипа кај што нема пешачки, а потоа легна на улица и почна да вика, „о леле ме потепаа, ме удри со фарот“. Јас погледнав наоколу, гледам нема друг автомобил, си велам, овој за мене мора да зборува и запрев. Му велам, човек, не сум те удрил не сум те допрел. Стаса полиција, и јас и човекот бевме на различни страни од улицата. Му викнав на висок тон ,,немој да лажеш, не си ни гребнат” и ,,како не ти е срам да не малтретираш сите овде на 50 степени”. Ме приведоа во станица, ме задржаа шест часа. Додека седев на столчето, со крвнички поглед, еден полицаец се залета накај мене, ми удри така силна шлаканица што исплукав два заба. Не му возвратив. Јас на мравка не сум згазил, комарците не ги тепам дома, а не пак човек, вели Скорниев за „Слободен печат“.

Прочитајте и...  Повредените војници се надвор од животна опасност, моментално траат прегледите и снимањата

Според Скорниев, шестчасовното приведување било многу непријатно.

– Се изнаслушав еден куп гнасни работи. Ми ја пцуеа сестра ми што работи во влада, ме провоцираа, ме прашаа што ми вредело тоа што знам повеќе јазици, штом сум завршил во станица. Што сум се правел фраер со кабриолетот исто така ме прашаа, а тој е 2.000 евра. Извадив и лекарско за главата, за раката и за забите. Кој ме тепал ќе го тужам и ќе барам 7 милиони евра оштета. Јас сум комплетно психички уништен а и кариерата уште непочната ми е завршена. Кој ќе оди да го брани адвокат за кого цел град зборува дека завршил во станица тепан?, додава Скорниев.

Прочитајте и...  Телефонски измами: Половина од лажните кол центри се сместени во руските затвори

Настанот се одвивал пред основниот суд Велес, каде имало камери.

Според наведеното во полицискиот билтен на ОВР Велес, на 11 август околу 20 часот било пријавено дека на улицата Гоце Делчев во Велес, патничко моторно возило опел, со велешки регистерски таблички, управувано од триесет и осумгодишниот С.С. од Велес, удрило во пешакот К.А на 81 годишна возраст, кој се движел по коловозот и му нанел телесни повреди констатирани во болницата во Велес. Според пријавеното, како што тврдат од велешката полиција, веднаш по настанот, С.С излегол од автомобилот и физички го нападнал повредениот и му упатувал навреди и закани.

„С.С исто така ги навредувал и омаловажувал полициските службеници, кои дошле да интервенираат по што бил приведен во полициска станица, каде што продолжил со навредите и омаловажувањата кон полициските службеници. На С.С му е поднесена прекршочна пријава за прекршоците што ги направил”, велат од ОВР Велес за „Слободен печат“.

Прочитајте и...  Хоти не ја коментира изјавата на Трамп, дијалогот Косово-Србија е неизвесен

Прочитај повеќе

Замениче, ви се брза на кафе во Приштина?

Следете ја во живо доцна ноќва првата претседателска дебата меѓу Трамп и Бајден

Слободен печат

Песков: Русија е подготвена со ЕУ да го разјасни „случајот Навални”

Маријана Митровска

Макрон жестоко се бори парламентот да не заседава само во Брисел

Слободен печат

Хрватска регистрираше 135 новозаразени со ковид-19

Слободен печат

Бес во Индија по смртта на тинејџерка која беше групно силувана

Остави Коментар

Прочитај повеќе

Нови санкции од Канада и Британија против Лукашенко

Слободен печат

Мицкоски слави роденден, соработниците го изненадија со торта (ФОТО)

Маријана Митровска

Србија 65 новозаболени од Ковид-19, еден починат

Слободен печат

Среде криза заминува медицински персонал- Главната сестра на Инфективна и две други си дадоа откази

Маријана Митровска

Рускиот историчар Дмитријев осуден на 13 години затвор поради сексуално злоставување на дете

Слободен печат

Нови рестрикции во Германија, на приватни собири до 25 лица

Маријана Митровска