Американскиот моден дизајнер и режисер Том Форд го подготвува својот нов филм, во кој пејачката Адел ќе го има своето актерско деби, објавува „Дедлајн“.

Еден од најпознатите светски дизајнери работи на адаптацијата на романот „Cry to Heaven“ од писателката Ен Рајс.

Покрај Адел, во филмот ќе глумат Николас Хоулт, Арон Тејлор-Џонсон, Киран Хајндс, Тандиве Њутн, Колин Ферт, Марк Стронг, Хантер Шефер, Дарил Мекормак, Џорџ Мекеј, Пол Бетани и Овен Купер, 15-годишен актер кој стана познат по улогата во хит серијата „Адолесценција“ и е најмладиот добитник на Еми.

Приказната на филмот ги следи двајца необични соработници кои се обидуваат да успеат во светот на операта – венецијански благородник и маестро од Калабрија. Овој филм ќе биде трет филм на Форд по адаптацијата на романот на Кристофер Ишервуд „A Single Man“, за кој беше номиниран за Оскар, и трилерот „Nocturnal Animals“.

„Cry to Heaven“ е во предпродукција оваа година во Лондон и Рим, а снимањето ќе започне во јануари. Планираниот датум на објавување е крајот на 2026 година.

Том Форд е најпознат по својот истоимен бренд, но пред две години рече дека повеќе го интересираат филмовите отколку модата.  Исто како Том, Адел минатата година објави дека ќе направи долга пауза од музиката, а малку подоцна се појавија гласини дека планира да ја промени кариерата и да се посвети на глумата.

Извори по нејзината изјава изјавија дека долго време посетува интензивни часови по глума и дека побарала од својот тим да ја рашири веста до големите филмски студија дека се подготвува за промена на кариерата.

ФОТО | Адел, која моментално е на пауза од музичката кариера, ужива со вереникот: По долго време видени заедно на состанок