Абдула Мане е третиот Французин во редовите на Металург
Три дена по доаѓањето на португалското лево крило Рибеиро, Металург се засили и на позицијата лев бек. Нов ракометар на Металург е Французинот Абдула Мане, кој потпиша двегодишен договор.
Мане (190 см, 85 кг) е млад 25-годишен ракометар кој доаѓа од Дижон, а претходно настапувал и во Безансон, Белфорт и Мулхаус и беше најдобар стрелец на Про лигата, односно втората француска лига.
Мане игра на позиција лев бек, но е исклучително корисен и како дефанзивен играч. По браќата Њокас, Мане е третиот француски ракометар во клубот од Автокоманда и е седмото засилување на Металург за претстојната сезона.
Покрај Мане, браќата Њокас и Рибеиро, Металург го засилија и пикерот Костадин Петров, средниот бек Бобан Каковски и голманот Димитар Бардаковски.
Според најавите, играчкиот ростер на Металург не е затворен, па се можни и други засилувања со кои раководството на клубот планира да создаде конкурентност и подолга клупа во Металург.